شنطة رمضان
شنطة رمضان مصطلح موسمي بيطل علينا من السنة للسنة مع حلول الشهر الكريم بتبدأ قوافل الخير من جميع الفئات سواء جمعيات خيرية أو رجال أعمال أو حتى أهل الخير اللي مش بيعلنوا عن نفسهم او أعمالهم طلباً للثواب من الله سبحانه و تعالى بتجميع بعض المواد التموينية و الأغذية اللي بيحتاجها الفقراء لسد حاجاتهم من الطعام خلال الشهر المبارك بس يا سيدي و يعدي الشهر الفضيل بسرعة البرق ٣٠ يوم معرفش هل شنطة رمضان اللي حصلت عليها أسرة فقيرة ما كانت كافية لسد إحتياجهم طول ال٣٠ يوم دول . بالطبع لأ شنطة او اتنين او كرتونتين تلاتة عمرهم ما يكفوا أسرة على الأقل بتتكون من ٤ أفراد طول ٣٠ يوم معنى كده إن شنطة رمضان مبتقومش بالدور الكافي اللي اتعملت علشانه ثم ليه شنطة رمضان بس في رمضان طب ليه مفيش شنطة شوَّال ليه مفيش شنطة مارس هي الناس مش بتجوع غير في رمضان؟ مش محتاجة غير في رمضان ؟ صدقوني لازم نغير تفكيرنا ناحية الفقراء و المحتاجين محتاجين نشوفهم و نهتم بأحوالهم و بمساعدتهم في كل وقت . و صدقوني أنا بتكلم جد ⚘💕 مجدى نبيل